Angliya terma jamoasining sobiq hujumchisi, hozirda futbol eksperti bo‘lib ishlayotgan Gari Lineker “Barselona”ning Chempionlar ligasi guruhidagi o‘rni haqida gapirdi.

"Guruh bosqichidan o‘ta olmaslik - bu mavsumda muvaffaqiyat qozonish uchun yozda ko‘p kuch sarflagan "Barselona" uchun qabul qilib bo‘lmaydigan holat. Ha, ular hali Chempionlar ligasidan chiqarib yuborilgani yo‘q, ammo oldinga borish uchun ularga haqiqiy mo‘’jiza kerak”, - dedi Lineker Talksport bilan suhbatda.

Guruh bosqichi yakunlanishiga ikki tur qolganida “ko‘k-anorranglilar” to‘rt ochko jamg‘arib, uchinchi o‘rinda bormoqda. “Barselona” ikkinchi o‘rindagi “Inter”dan 3 ochko ortda qolmoqda.