Англия терма жамоасининг собиқ ҳужумчиси, ҳозирда футбол эксперти бўлиб ишлаётган Гари Линекер “Барселона”нинг Чемпионлар лигаси гуруҳидаги ўрни ҳақида гапирди.
"Гуруҳ босқичидан ўта олмаслик - бу мавсумда муваффақият қозониш учун ёзда кўп куч сарфлаган "Барселона" учун қабул қилиб бўлмайдиган ҳолат. Ҳа, улар ҳали Чемпионлар лигасидан чиқариб юборилгани йўқ, аммо олдинга бориш учун уларга ҳақиқий мўъжиза керак”, - деди Линекер Talksport билан суҳбатда.
Гуруҳ босқичи якунланишига икки тур қолганида “кўк-анорранглилар” тўрт очко жамғариб, учинчи ўринда бормоқда. “Барселона” иккинчи ўриндаги “Интер”дан 3 очко ортда қолмоқда.
