Жозе Моуриньо «Реал»даги биринчи даврида Хосеп Гвардиола билан бўлган рақобат ҳақида фикр билдирди.

«2011/2012 йилги мавсум якунида биз «Барселона»нинг гегемонлигига чек қўйдик. Биз бу ерга нима учун келган бўлсак, ўша ишни бажардик. Биз уларни йўқ қилдик ва Хосеп Гвардиола бу доимий курашдан чарчади», - дейди Моуриньонинг ҳужжатли фильмдаги сўзларидан иқтибос келтирган The Touchline.

2011/2012 йилги мавсумда Жозе Моуриньо қўл остидаги «Реал» Испания чемпиони бўлди. «Қаймоқранглилар» ўша чемпионатда 121 та гол уришди – ушбу маҳсулдорлик рекорди ҳозиргача сақланиб келмоқда. Ўша мавсумдан сўнг Хосеп Гвардиола «Барселона» бош мураббийлиги лавозимини тарк этди.