Вингер Руни Барджи тиззасидан жиддий жароҳат олди ва узоқ муддатга сафдан чиқди. Натижада, футболчи ёзги трансфер ойнасида клубни тарк этмайди.
Mundo Deportivo хабарига кўра, Ханс-Дитер Флик клубни тарк этиши мумкин бўлган бошқа ўйинчилар билан ҳам шундай ҳолат такрорланишидан хавотирда. Сешанба куни «Барселона»нинг немислик мураббийи олти нафар футболчини умумий гуруҳдаги машғулотлардан четлаштирди.
Ушбу рўйхатдан Марк Касадо, Эктор Форт, Хофре Торрентс, Томми Маркес, Тони Фернандес ва Гилье Фернандес ўрин олди.
Флик ўйинчилардан ҳеч ким жароҳат олиб, «Барселона»ни тарк эта олмай қолишини хоҳламаяпти. Бу клубнинг трансфер бозоридаги режаларига таъсир қилади.
