"Liverpul" va Angliya terma jamoasining sobiq hujumchisi Robbi Fauler muhtojlar haqida qayg‘uradi. Uning fikricha, Liverpulda o‘zini boqa olmaydigan ko‘plab oilalar bor. Shu tariqa, Fauler deputat Yan Birn bilan hamkorlikda Liverpul shahri chekkasida joylashgan Vest-Derbidagi Scouse Kitchen loyihasida ishtirok etishga qaror qildi.
Derbyderbyderby.it sayti ma’lumotlariga ko‘ra, Fauler umumiy ovqatlanish xonasini ochish uchun 18 ming yevro hayriya mablag‘ini ajratgan.
"Qashshoqlikka qarshi kurashda yordam berish imkoniyatidan xursandman. Umid qilamanki, bizning yordamimiz bu odamlarga hayotda o‘z o‘rnini topishi va ishlarini yaxshilash imkonini beradi", - dedi Fauler.
