"Ливерпуль" ва Англия терма жамоасининг собиқ ҳужумчиси Робби Фаулер муҳтожлар ҳақида қайғуради. Унинг фикрича, Ливерпулда ўзини боқа олмайдиган кўплаб оилалар бор. Шу тариқа, Фаулер депутат Ян Бирн билан ҳамкорликда Ливерпуль шаҳри чеккасида жойлашган Вест-Дербидаги Scouse Kitchen лойиҳасида иштирок этишга қарор қилди.
Derbyderbyderby.it сайти маълумотларига кўра, Фаулер умумий овқатланиш хонасини очиш учун 18 минг евро ҳайрия маблағини ажратган.
"Қашшоқликка қарши курашда ёрдам бериш имкониятидан хурсандман. Умид қиламанки, бизнинг ёрдамимиз бу одамларга ҳаётда ўз ўрнини топиши ва ишларини яхшилаш имконини беради", - деди Фаулер.
