"Chelsi" bosh murabbiyi Grem Potter "ko‘klar" darvozaboni Eduard Mendi haqida o‘z fikrlari bilan o‘rtoqlashdi.
Eslatib o‘tamiz, angliyalik mutaxassis 8 sentyabr kuni londonliklarni qabul qilib olganidan so‘ng, senegallik darvozabon "Chelsi" tarkibida maydonga tushmadi.
“U ajoyib harakat qilmoqda, ajoyib kayfiyatda va jamoani juda qo‘llab-quvvatlamoqda. Men kelganimda u jarohat oldi, Kepa maydonda edi va u yaxshi o‘ynadi” - dedi Potter.
Murabbiy, shuningdek, “Chelsi”da hozir ikkita yaxshi darvozabon borligini, ular bir-birini qo‘llab-quvvatlash kerakligini qo‘shimcha qildi.
30 yoshli Mendi joriy mavsumda “ko‘klar” safida 6 ta o‘yinda maydonga tushib, 9 ta gol o‘tkazib yubordi va bir marta o‘z darvozasi dahlsizligini saqlab qoldi.
