"Челси" бош мураббийи Грэм Поттер "кўклар" дарвозабони Эдуард Менди ҳақида ўз фикрлари билан ўртоқлашди.

Эслатиб ўтамиз, англиялик мутахассис 8 сентябрь куни лондонликларни қабул қилиб олганидан сўнг, сенегаллик дарвозабон "Челси" таркибида майдонга тушмади.

“У ажойиб ҳаракат қилмоқда, ажойиб кайфиятда ва жамоани жуда қўллаб-қувватламоқда. Мен келганимда у жароҳат олди, Кепа майдонда эди ва у яхши ўйнади” - деди Поттер.

Мураббий, шунингдек, “Челси”да ҳозир иккита яхши дарвозабон борлигини, улар бир-бирини қўллаб-қувватлаш кераклигини қўшимча қилди.

30 ёшли Менди жорий мавсумда “кўклар” сафида 6 та ўйинда майдонга тушиб, 9 та гол ўтказиб юборди ва бир марта ўз дарвозаси даҳлсизлигини сақлаб қолди.