Taniqli sobiq hujumchi Ronaldo Zinedin Zidan haqida fikr bildirdi.
"Mening Zidan bilan o‘zgacha munosabatim bor, men uni juda hurmat qilaman. U “Yuventus”da, men esa “Inter”da o‘ynayotganimda yo‘llarimiz kesishgan. Shu paytdan boshlab biz hurmat munosabatlarini rivojlantirdik. Men tizzamdan jarohat olganimda uning shifoxonaga meni ko‘rgani kelishi ajablanarli bo‘ldi. U mening oldimga oila a’zolarimdan tashqari birinchi bo‘lib kelgan.
O‘shanda Zidan menga nima dedi? U: "Tezroq tuzalib ket, chunki futbol senga muhtoj", dedi.
Biz biroz suhbatlashdik. Shunday og‘ir damlarda u bilan suhbatlashish menga yoqdi”, — dedi Ronaldo Football Italia bilan suhbatda.
