Таниқли собиқ ҳужумчи Роналдо Зинедин Зидан ҳақида фикр билдирди.

"Менинг Зидан билан ўзгача муносабатим бор, мен уни жуда ҳурмат қиламан. У “Ювентус”да, мен эса “Интер”да ўйнаётганимда йўлларимиз кесишган. Шу пайтдан бошлаб биз ҳурмат муносабатларини ривожлантирдик. Мен тиззамдан жароҳат олганимда унинг шифохонага мени кўргани келиши ажабланарли бўлди. У менинг олдимга оила аъзоларимдан ташқари биринчи бўлиб келган.

Ўшанда Зидан менга нима деди? У: "Тезроқ тузалиб кет, чунки футбол сенга муҳтож", деди.

Биз бироз суҳбатлашдик. Шундай оғир дамларда у билан суҳбатлашиш менга ёқди”, — деди Роналдо Football Italia билан суҳбатда.