Madridning "Real" klubi "PSJ" hujumchisi Kilian Mbappeni o‘z safiga qo‘shib olish fikridan allaqachon qaytgan. "Qaymoqranglilar" klubi rahbarlari 2024 yilda "Manchester Siti"dan Erling Xolandni sotib olishga etibor qaratishmoqchi. Bu haqda Marca xabar bermoqda.
Oldinroq Mbappe yozda "PSJ" rahbariyatiga Robert Levandovski transferini va Neymarni jamoadan ketishini istashini aytgandi. Oxir-oqibat, bularning hech biri sodir bo‘lmadi. Braziliyalik futbolchi "PSJ"da qoldi, polshalik esa "Barselona"ga o‘tdi.
23 yoshli fransuz joriy mavsumda barcha turnirlarda 14 ta o‘yinda maydonga tushib, 12 ta gol urishga erishdi. Avvalroq Mbappe yiliga 131,2 million yevro maosh bilan dunyodagi eng ko‘p pul ishlab topuvchi futbolchi ekanligi ma’lum bo‘lgan edi.
