"Inter" bosh murabbiyi Simone Indzagi Chempionlar ligasi guruh bosqichida "Viktoriya Plzen"ga qarshi o‘yin arafasida hujumchi Romelu Lukakuning holati haqida gapirdi.
“Romelu o‘z qaytishi ustida katta ishtiyoq, katta istak bilan ishlamoqda. U seshanba kungi mashg‘ulotlarni o‘tkazib yubordi, ammo tiklanishi aniq. Romelu biz uchun juda muhim futbolchi, u ikki oylik o‘yinlarni o‘tkazib yubordi va bu jiddiy yo‘qotish edi.
Lukakusiz jamoa va boshqa hujumchilar, nazarimda, hujumda yaxshi harakat qilishdi. Ular futbolda doimo rivojlanish kerakligini yodda tutishgan. “Bavariya”ga qarshi o‘yinni hisobga olmaganda, biz doim gol urganmiz. Bu har doim yaxshilanishi mumkin bo‘lgan narsa. Shubhasiz, Romeluning qaytishi bizga yaxshiroq bo‘lishimizga imkon berishi kerak", - deya Indzagi so‘zlarini keltiradi L'Equipe.
