"Интер" бош мураббийи Симоне Индзаги Чемпионлар лигаси гуруҳ босқичида "Виктория Пльзень"га қарши ўйин арафасида ҳужумчи Ромелу Лукакунинг ҳолати ҳақида гапирди.

“Ромелу ўз қайтиши устида катта иштиёқ, катта истак билан ишламоқда. У сешанба кунги машғулотларни ўтказиб юборди, аммо тикланиши аниқ. Ромелу биз учун жуда муҳим футболчи, у икки ойлик ўйинларни ўтказиб юборди ва бу жиддий йўқотиш эди.

Лукакусиз жамоа ва бошқа ҳужумчилар, назаримда, ҳужумда яхши ҳаракат қилишди. Улар футболда доимо ривожланиш кераклигини ёдда тутишган. “Бавария”га қарши ўйинни ҳисобга олмаганда, биз доим гол урганмиз. Бу ҳар доим яхшиланиши мумкин бўлган нарса. Шубҳасиз, Ромелунинг қайтиши бизга яхшироқ бўлишимизга имкон бериши керак", - дея Индзаги сўзларини келтиради L'Equipe.