Angliya Premyer-ligasi 15-turida "Manchester Siti" "Fulxem"ni qabul qilib, 2:1 hisobida g‘alaba qozondi.
Xulian Alvares 17-daqiqada "shaharliklar"ni hisobda oldinga olib chiqdi. 26-daqiqada Joau Kanselu qizil kartochka olib, maydonni tark etdi, Andres Pereyra penaltidan unumli foydalanib, hisobni tenglashtirdi.
2-bo‘limda Erling Xoland zaxiradan o‘yinga qo‘shildi. U kiritgan 1-gol ofsayd tufayli bekor qilindi. Ammo 95-daqiqada Erling penaltidan aniq foydalandi va manchesterliklarga g‘alaba keltirdi.
Manchester Siti – Fulxem 2:1 (1:1, 1:0)
5 noyabr, 20.00, «Etixad Stedium»
Gollar: 1:0 – 17 Alvares, 1:1 – 28, penaltidan Pereyra, 2:1 – 90, penaltidan Xoland.
Manchester Siti – Ederson, Stounz, Ake, Akandji, Joau Kanselu, Gyundogan (Ruben Diash, 90), de Bryuyne, Rodri, Grilish (Foden, 64), Bernardu Silva, Alvares (Xoland, 64).
Fulxem – Leno, Tete, Rim, Diop, Robinson, Rid, Uilson (Djeyms, 76), Pereyra (Xarris, 88), Palinya, Villian (Mbabu, 80), Vinisius (Kerni, 76).
Ogohlantirishlar: Pereyra (7), Rid (45), Bernardu Silva (45), Tete (63), Robinson (90), Xoland (90).
Chetlatish: Joau Kanselu (26).
