Англия Премьер-лигаси 15-турида "Манчестер Сити" "Фулхэм"ни қабул қилиб, 2:1 ҳисобида ғалаба қозонди.

Хулиан Альварес 17-дақиқада "шаҳарликлар"ни ҳисобда олдинга олиб чиқди. 26-дақиқада Жоау Канселу қизил карточка олиб, майдонни тарк этди, Андрес Перейра пенальтидан унумли фойдаланиб, ҳисобни тенглаштирди.

2-бўлимда Эрлинг Холанд захирадан ўйинга қўшилди. У киритган 1-гол офсайд туфайли бекор қилинди. Аммо 95-дақиқада Эрлинг пенальтидан аниқ фойдаланди ва манчестерликларга ғалаба келтирди.

Манчестер Сити – Фулхэм 2:1 (1:1, 1:0)

5 ноябрь, 20.00, «Этихад Стэдиум»

Голлар: 1:0 – 17 Альварес, 1:1 – 28, пенальтидан Перейра, 2:1 – 90, пенальтидан Холанд.

Манчестер Сити – Эдерсон, Стоунз, Аке, Аканджи, Жоау Канселу, Гюндоган (Рубен Диаш, 90), де Брюйне, Родри, Грилиш (Фоден, 64), Бернарду Силва, Альварес (Холанд, 64).

Фулхэм – Лено, Тете, Рим, Диоп, Робинсон, Рид, Уилсон (Джеймс, 76), Перейра (Харрис, 88), Пальинья, Виллиан (Мбабу, 80), Винисиус (Кэрни, 76).

Огоҳлантиришлар: Перейра (7), Рид (45), Бернарду Силва (45), Тете (63), Робинсон (90), Холанд (90).

Четлатиш: Жоау Канселу (26).