"Flamengo" darvozaboni Diyego Alves jamoani tark etadi, deya xabar beradi Braziliya klubi rasmiy sayti.
37 yoshli braziliyalik bilan kelishuv 2022 yil oxirigacha tuzilgan edi. Alves 2017 yildan buyon “Flamengo”da o‘ynab, Braziliya chempioni va Libertadores kubogi sohibiga aylandi.
Alves "Flamengo" safida 181 uchrashuvda maydonga tushib, 170 ta gol o‘tkazib yuborgan va 72 marta o‘z darvozasi daxlsizligini saqlab qolgan. U "Almeriya" va "Valensiya" klublarida ham o‘ynagani bilan tanilgan.