Fransiya terma jamoasi bosh murabbiyi Didye Desham "Yuventus" yarim himoyachisi Adriyen Rabyoni jamoasi uchun juda muhim deb bilishini aytdi. Joriy mavsumda Rabyo yaxshilandi va tobora o‘z klubida asosiy o‘yinchiga aylanib bormoqda.
"Rabyo maydon markazida turli pozisiyalarda o‘ynay oladi, men buni uning "Yuventus"dagi o‘yinlarida ham ko‘rganman. U juda yaxshi damlarni boshdan kechirmoqda. Endi Rabyo o‘yinni muvozanatlashtira oladigan futbolchi. Balki kimgadir u unchalik yaxshi emasdek tuyular, lekin men murabbiy sifatida hamma narsani boshqacha ko‘raman", deya Desham so‘zlaridan iqtibos keltiradi juvenews.eu.
