Франция терма жамоаси бош мураббийи Дидье Дешам "Ювентус" ярим ҳимоячиси Адриен Рабьони жамоаси учун жуда муҳим деб билишини айтди. Жорий мавсумда Рабьо яхшиланди ва тобора ўз клубида асосий ўйинчига айланиб бормоқда.
"Рабьо майдон марказида турли позисияларда ўйнай олади, мен буни унинг "Ювентус"даги ўйинларида ҳам кўрганман. У жуда яхши дамларни бошдан кечирмоқда. Энди Рабьо ўйинни мувозанатлаштира оладиган футболчи. Балки кимгадир у унчалик яхши эмасдек туюлар, лекин мен мураббий сифатида ҳамма нарсани бошқача кўраман", дея Дешам сўзларидан иқтибос келтиради juvenews.eu.
