«Барселона» ҳужумчиси Ферран Торрес фаолиятини «Пари Сен-Жермен»да давом эттиришга тайёр.
Испаниялик футболчи Франция грандига узил-кесил жавобини берди — у Луис Энрике жамоасига ўтишга розилик билдирди, деб хабар беради Diario Sport. «ПСЖ» битимни кейинги ҳафтагача, яъни футболчи жамоавий машғулотларга қайтиши керак бўлган вақтгача якунламоқчи.
Аввалроқ «Барселона» Торрес бўйича таклифларни кутаётгани ҳақида хабарлар пайдо бўлган эди, чунки клуб унинг яқиндаги баёнотларини кетиш истагига ишора деб баҳолаган. Бундан олдин Каталония клуби дунё чемпионини жамоада олиб қолишга мойил эди ва унга янги шартнома таклиф қилишни режалаштираётганди. Эслатиб ўтамиз, 26 ёшли форварднинг амалдаги шартномаси кейинги йилда тугайди.
