"Chelsi" "Everton" va Angliya terma jamoasi darvozaboni Jordan Pikfordga qiziqish bildirmoqda, deb xabar beradi Daily Mail.
“Ko‘klar” 28 yoshli futbolchining Qatardagi jahon chempionatidagi o‘yinini diqqat bilan kuzatib borishadi.
Pikfordning Mersisayd klubi bilan amaldagi shartnomasi 2024 yilning yoziga qadar tuzilgan. Transfermarkt portali darvozabonning narxini 28 million yevroga baholamoqda.
Eslatib o‘tamiz, jahon chempionati 20 noyabrdan 18 dekabrga qadar Qatarda bo‘lib o‘tadi. Turnirning guruh bosqichida inglizlar Eron, AQSH va Uels terma jamoalari bilan to‘qnash kelishadi.