"Galatasaroy" "PSJ" hujumchisi Mauro Ikardini ijara muddati tugaganidan keyin o‘zida saqlab qolmoqchi, deb xabar beradi Fanatik.

Biroq fransuz klubi futbolchi uchun 30 million yevro talab qilmoqda. Bu miqdor turk klubiga to‘g‘ri kelmaydi.

29 yoshli argentinalik futbolchi 2022 yilning sentyabrida ijara asosida “Galataray”ga o‘tgan edi. Qayd etilishicha, futbolchining maoshi yiliga 6,75 million yevroni tashkil etadi, shundan 6 millionini "PSJ" to‘laydi.

Joriy mavsumda Ikardi turk klubi safida 5 ta o‘yin o‘tkazib, 3 ta gol urdi va bitta golli uzatmani amalga oshirdi.