Fransiya terma jamoasi hujumchisi Antuan Grizmann o‘zining so‘nggi yutuqlari haqida gapirdi.
Shanba kungi Daniyaga qarshi o‘yinda (2:1) «Atletiko Madrid» futbolchisi Kilian Mbappega sermahsul uzatmani amalga oshirib, bu borada Fransiya terma jamoasi safida afsonaviy Zinedin Zidan bilan tenglashib olgandi. Hozir ikkalasida ham 26 tadan golli uzatma bor.
“Men bu yutug‘imdan juda faxrlanaman, biroq mening fikrlarim hali ham jamoa bilan qanday qilib muvaffaqiyatga erishish haqida.
Mening vazifam himoyada ham, hujumda ham jamoaga yordam berish. Jahon chempionatining pley-off bosqichiga muddatidan oldin yo‘llanmani qo‘lga kiritganimizdan juda xursandman. Biz juda zo‘r ish qildik", - deya Grizmanning so‘zlaridan iqtibos keltiradi jurnalist Alfredo Pedulla.
