Франция терма жамоаси ҳужумчиси Антуан Гризманн ўзининг сўнгги ютуқлари ҳақида гапирди.
Шанба кунги Данияга қарши ўйинда (2:1) «Атлетико Мадрид» футболчиси Килиан Мбаппега сермаҳсул узатмани амалга ошириб, бу борада Франция терма жамоаси сафида афсонавий Зинедин Зидан билан тенглашиб олганди. Ҳозир иккаласида ҳам 26 тадан голли узатма бор.
“Мен бу ютуғимдан жуда фахрланаман, бироқ менинг фикрларим ҳали ҳам жамоа билан қандай қилиб муваффақиятга эришиш ҳақида.
Менинг вазифам ҳимояда ҳам, ҳужумда ҳам жамоага ёрдам бериш. Жаҳон чемпионатининг плей-офф босқичига муддатидан олдин йўлланмани қўлга киритганимиздан жуда хурсандман. Биз жуда зўр иш қилдик", - дея Гризманнинг сўзларидан иқтибос келтиради журналист Алфредо Педулла.
