Marokash terma jamoasi bosh murabbiyi Valid Regragi jamoasining o‘yinini tanqid qilganlardan g‘azabda.
Ertaga Marokash terma jamoasi JCH-2022 yarim finalida Fransiya bilan o‘ynaydi.
"Biz qo‘limizdan kelganicha o‘ynaymiz. To‘pga egalik qilish sizni haqiqatdan uzoqlashtirishi ajablanarli. 70 foiz egalik va faqat ikkita zarba. Bu kutilgan gollar. Biz g‘alaba qozonishimiz kerak edi, chunki bizda kutilgan 4 ta gol bor! Biz g‘alaba qozonish uchun keldik. Tamom!
Men bu yerda avval ham bo‘lganman. Pep Gvardiola meni aqldan ozdirgan. Albatta, safingizda De Bryuyne va Bernardu Silva bo‘lganda to‘p sizda bo‘ladi.
Fransiya 2018 yilda o‘z o‘yinlari bilan meni xursand qildi. Desham qanday harakat qilish kerakligini tushundi.
Keling, statistikaga e’tibor berishni to‘xtataylik. Men Janni Infantinodan to‘pga egalik qilish 60 foizdan ortiq bo‘lsa, ochko qo‘shishini so‘rayman. Jahon chempionati boshida chempionlik uchun imkoniyatimiz yuzdan bir foizga baholangandi. Endi u allaqachon 12 foizni tashkil etmoqda", dedi Regragi.
