Fransiya terma jamoasi bosh murabbiyi Didye Deshamning kelajagi yaqin orada ma’lum bo‘ladi. Fransiya futbol federasiyasi rahbari Noel le Gre kelasi hafta 54 yoshli mutaxassis bilan muzokaralar olib borishini aytdi.
"Kartalar Deshamning qo‘lida, u shartnomani uzaytirish imkoniyatiga ega. Jahon chempionatining nimchorak finaliga chiqqanimizdayoq, qaror uning o‘zida edi”, dedi Le Gre Ouest-France nashriga.
Didye Desham 2012 yilning yozida Fransiya terma jamoasini qabul qilib olgandi. Murabbiyning 10 yillik faoliyati davomidagi asosiy muvaffaqiyati JCH-2018dagi g‘alabadir.