Франция терма жамоаси бош мураббийи Дидье Дешамнинг келажаги яқин орада маълум бўлади. Франция футбол федерацияси раҳбари Ноэль ле Грэ келаси ҳафта 54 ёшли мутахассис билан музокаралар олиб боришини айтди.
"Карталар Дешамнинг қўлида, у шартномани узайтириш имкониятига эга. Жаҳон чемпионатининг нимчорак финалига чиққанимиздаёқ, қарор унинг ўзида эди”, деди Ле Грэ Ouest-France нашрига.
Дидье Дешам 2012 йилнинг ёзида Франция терма жамоасини қабул қилиб олганди. Мураббийнинг 10 йиллик фаолияти давомидаги асосий муваффақияти ЖЧ-2018даги ғалабадир.