Turkiya prezidenti Rajab Toyyib Erdo‘g‘on futbolchi Krishtianu Ronaldu haqida fikrlari bilan o‘rtoqlashdi.

«Menga kelgan ma’lumotlarga ko‘ra, Ronaldu Saudiya Arabistoni klubiga o‘tadi», — deydi Turkiya rahbari.

Shuningdek, Erdo‘g‘ondan Argentinaning Qatardagi muvaffaqiyatidan keyin Messi haqida fikri o‘zgargani yoki yo‘qligi haqida so‘rashdi. Avvalroq prezident Ronaldu va Messini solishtirganda Krishtianuni ma’qul ko‘rishini aytgandi.

«Hozir ularni solishtirish bizga emas. Albatta, Ronalduni chetlatishdi. Afsuski, unga siyosiy sanksiya qo‘llashdi. Uni hisobdan chiqarishdi.

Bu darajadagi futbolchini ikkinchi bo‘limda 15 daqiqada yoki yarim soatga tushirib, uning ruhiyatini sindirishdi va bor energiyasini yo‘q qilishdi. Ronaldu falastinliklarni qo‘llab-quvvatlovchilardan edi», — deydi Erdo‘g‘on.