"Aston Villa" "Udineze" hujumchisi Jerar Deulofeuni sotib olmoqchi. Futbolchiga Birmingem klubi bosh murabbiyi Unai Emeri shaxsan qiziqish bildirmoqda.
28 yoshli ispaniyalikning Italiya klubi bilan shartnomasi 2024 yilning yoziga qadar mo‘ljallangan. Transfermarkt portali futbolchini 16 million yevroga baholamoqda.
Hujumchi joriy mavsum A Seriyada 15 ta o‘yin o‘tkazib, 2 ta gol urdi va 5 ta golli uzatmani amalga oshirdi.
U allaqachon Premyer-ligada o‘ynash tajribasiga ega, Deulofeu u yerda "Everton" va "Uotford" safida o‘ynagan.
