“Qo‘qon-1912” jamoasi a’zolari 5 yanvar kunidan yangi mavsumga tayyorgarlikni boshlaydi. Davron Fayziyev boshchiligidagi jamoa a’zolari 5 yanvar kuni Qo‘qon shahrida to‘planishadi hamda dastlabki o‘quv-yig‘in mashg‘ulotlarini boshlaydi.
O‘tgan yilning 31 dekabr kuni jamoaning ko‘plab futbolchilari bilan o‘rtadagi shartnomalar muddatlari yakuniga yetgan va shu boisdan jamoaning ayrim yetakchi futbolchilari boshqa jamoalarda faoliyatlarini davom ettirishga qaror qilishgan.
Murabbiylar shtabi dastlabki yig‘inni asosan jamoada qolgan futbolchilar hamda mahalliy yoshlar bilan boshlashadi. Mazkur yig‘in davomida hamda keyingi yig‘inlar mobaynida jamoa tarkibi asta-sekinlik bilan shakllantiriladi.
