Argentina terma jamoasi JCH-2022 finalida Fransiyani mag‘lub etib, chempionga aylanganidan so‘ng dunyoda chaqaloqlarga Lionel Messi ismini qo‘yish urfga kirdi.

Ko‘pchilik 35 yoshli futbolchining katta yutug‘ini xursandchilik bilan qabul qilmoqda. Masalan, uning Qatarda yashagan mehmonxona xonasi muzeyga aylantiriladi.

“PSJ” yulduzi, agar xohlasa, siyosiy karyeraga ham tayyor, ko‘plab hamyurtlari unga mamlakatning keyingi prezident bo‘lishi uchun ovoz berishga shay.

Ammo mamlakatdagi ba’zi odamlar o‘z mamlakatini shon-shuhratga yetaklagan insonni ulug‘lash uchun saylovni kutish juda uzoq deb qaror qilishdi. Jahon chempionati finalidan so‘ng, Lionel ismli bolalar tug‘ilishi avvalgi oylik ma’lumotlarga nisbatan 700 foizga oshgan.

Bu boradagi eng katta o‘sish Fransiya ustidan qozonilgan g‘alabadan taxminan to‘qqiz oy o‘tgach sodir bo‘lishi mumkinligini taxmin qilinmoqda.

Ma’lumot uchun, Messi Argentina oxirgi marta jahon chempionligini qo‘lga kiritganidan bir yil o‘tib (1987 yilda) tug‘ilgan. Aynan o‘sha chempionlikdan so‘ng Diyego Maradona ismi Meksikadagi chaqaloqlarga eng ko‘p qo‘yilgani qayd etilgandi.