"Vest Xem" o‘z jamoasiga marokashlik hujumchi Yussef En-Nesirini taklif qilmoqchi. Bu haqda Estadio Deportivo xabar bermoqda.
Manbaga ko‘ra, "Sevilya" 25 yoshli futbolchi bilan jamoadagi yomon o‘yini tufayli xayrlashishga tayyor. Hujumchi joriy mavsumda 16 o‘yinda atigi 2 ta gol urdi. Qatarda bo‘lib o‘tgan jahon chempionatining sakkizta o‘yinida En-Nesiri uch bor raqiblar darvozasini ishg‘ol qilib, Marokash bilan musobaqaning yarim finaliga qadar yetib borgan.
En-Nesiri 2020 yilning yanvarida “Sevilya”ga o‘tgan. Bir yil o‘tgach, "Vest Xem" allaqachon Yusufni 30 million evroga sotib olishga urinib ko‘rdi, ammo rad etildi. Biroq, endi ispan klubi sotishga tayyor.
