"Yuventus" "Lester" bilan amaldagi shartnomasi mavsum oxirida yakuniga yetadigan yarim himoyachi Yuri Tilemansni o‘z safiga qo‘shib olmoqchi.
Oldinroq Turinda Tilemansni yozda ketishi mumkin bo‘lgan Adriyen Rabyoning o‘rniga ko‘rayotgani xabar qilingandi.
Calciomercatoweb nashri xabariga ko‘ra, "Yuventus" qishki transfer oynasida Yuri Tilemansni Ueston Makkenniga almashtirmoqchi. So‘nggi haftalarda 24 yoshli amerikalik futbolchining transferi haqidagi mish-mishlar muntazam ravishda aytib kelinmoqda.
Ueston Makkennini Premyer-liganing boshqa klublariga, xususan, "Aston Villa"ga o‘tishi haqida ham xabar berilgandi.