Daily Mail nashri xabariga ko‘ra, "Benfika" kelishilgan o‘yinlar bo‘yicha tergov ostida qolgan.
Ayblovlar 2016-2020 yillar davriga tegishli bo‘lib, Portugaliya klubining o‘sha davrdagi va undan keyingi barcha boshqaruv a’zolariga tegishli.
Tergov prokuraturaning bir nechta soxta o‘yin natijalaridan foyda olishda ayblanayotgan klubning elektron pochtasiga kirishi yuzasidan boshlangan.
Qayd etilishicha, "Benfika" kelishilgan o‘yinlar bo‘yicha portugaliyalik tergovchilar bilan hamkorlik qilmoqda.
Klub bunday tergov faktini tasdiqladi: "Biz 3 yanvar kuni sudga tortilganimizni tasdiqlaymiz. 2016 yildan 2020 yilgacha bo‘lgan direktorlar kengashi a’zolari hozirda o‘z lavozimida ishlashmoqda. Sud jarayoni maxfiy o‘tgani uchun boshqa izoh berilmaydi. "Benfika" vakolatli organlar bilan hamkorlik qilishga to‘liq tayyorligini bildiradi" - deyiladi bayonotda.
Eslatib o‘tamiz, bir yarim yil avval "Benfika"ning uzoq muddatli prezidenti Luis Filipp Viyeyra soliq to‘lashdan bo‘yin tovlash, og‘ir firibgarlik, hujjatlarni qalbakilashtirish va pul yuvishda ayblanib hibsga olinganidan keyin iste’foga chiqishga majbur bo‘lgandi. Shundan so‘ng Rui Koshta klub prezidenti bo‘ldi va unga nisbatan ham tergov davom etmoqda.
