Daily Mail нашри хабарига кўра, "Бенфика" келишилган ўйинлар бўйича тергов остида қолган.
Айбловлар 2016-2020 йиллар даврига тегишли бўлиб, Португалия клубининг ўша даврдаги ва ундан кейинги барча бошқарув аъзоларига тегишли.
Тергов прокуратуранинг бир нечта сохта ўйин натижаларидан фойда олишда айбланаётган клубнинг электрон почтасига кириши юзасидан бошланган.
Қайд этилишича, "Бенфика" келишилган ўйинлар бўйича португалиялик терговчилар билан ҳамкорлик қилмоқда.
Клуб бундай тергов фактини тасдиқлади: "Биз 3 январь куни судга тортилганимизни тасдиқлаймиз. 2016 йилдан 2020 йилгача бўлган директорлар кенгаши аъзолари ҳозирда ўз лавозимида ишлашмоқда. Суд жараёни махфий ўтгани учун бошқа изоҳ берилмайди. "Бенфика" ваколатли органлар билан ҳамкорлик қилишга тўлиқ тайёрлигини билдиради" - дейилади баёнотда.
Эслатиб ўтамиз, бир ярим йил аввал "Бенфика"нинг узоқ муддатли президенти Луис Филипп Виейра солиқ тўлашдан бўйин товлаш, оғир фирибгарлик, ҳужжатларни қалбакилаштириш ва пул ювишда айбланиб ҳибсга олинганидан кейин истеъфога чиқишга мажбур бўлганди. Шундан сўнг Руи Кошта клуб президенти бўлди ва унга нисбатан ҳам тергов давом этмоқда.
