«Манчестер Сити» клуби матбуот хизмати жамоа машғулотидан видеони қилди. Унда ҳимоячилар Абдуқодир Ҳусанов ва Витор Рейс машқлардан бири давомида ўзаро беллашди.
Машқ қоидасига кўра, футболчилар таянч ҳолатида туриб, рақибининг кафтига уришга ҳаракат қилади ва айни пайтда ўз қўлини олиб қочиши керак бўлади. Бу дуэлда ғалаба Абдуқодир Ҳусанов томонида бўлди.
Янги мавсумга тайёргарлик доирасида «Манчестер Сити» ҳозирча учта ўртоқлик учрашуви ўтказиши режалаштирилган:
-
1 август — «Интер»га қарши;
-
5 август — Корея лигаси юлдузлари жамоасига қарши;
-
9 август — «Атлетико»га қарши.
Абдуқодир Ҳусанов ўтган мавсумда «Манчестер Сити» сафида барча мусобақаларда 37 та учрашувда иштирок этди. У мазкур ўйинларда гол урмади ва голли узатма ҳам амалга оширмади.
