«Manchester Siti» klubi matbuot xizmati jamoa mashg‘ulotidan videoni qildi. Unda himoyachilar Abduqodir Husanov va Vitor Reys mashqlardan biri davomida o‘zaro bellashdi.
Mashq qoidasiga ko‘ra, futbolchilar tayanch holatida turib, raqibining kaftiga urishga harakat qiladi va ayni paytda o‘z qo‘lini olib qochishi kerak bo‘ladi. Bu duelda g‘alaba Abduqodir Husanov tomonida bo‘ldi.
Yangi mavsumga tayyorgarlik doirasida «Manchester Siti» hozircha uchta o‘rtoqlik uchrashuvi o‘tkazishi rejalashtirilgan:
-
1 avgust — «Inter»ga qarshi;
-
5 avgust — Koreya ligasi yulduzlari jamoasiga qarshi;
-
9 avgust — «Atletiko»ga qarshi.
Abduqodir Husanov o‘tgan mavsumda «Manchester Siti» safida barcha musobaqalarda 37 ta uchrashuvda ishtirok etdi. U mazkur o‘yinlarda gol urmadi va golli uzatma ham amalga oshirmadi.
