Braziliyalik yarim himoyachi Fred portugaliyalik hujumchi Krishtianu Ronalduning professionalligi haqida gapirdi. Ikki futbolchi "Manchester Yunayted" safida birga to‘p tepgan.

"U yaxshi inson, ammo o‘ta talabchan. Unga qarshi gapirib bo‘lmaydi. Hammasi uning qoidalari bo‘yicha bo‘lishi kerak", — dedi Fred Charla podkastida.

"Men mashg‘ulotga taxminan bir yarim soat oldin kelardim va uni allaqachon sport zalida ko‘rardim. Men ketardim, u esa hali ham o‘sha yerda mashq qilayotgan bo‘lardi. Shunda o‘zimga: "E xudoyim, bu odam haqiqatan ham boshqa darajada", derdim. U har tomonlama fenomen. U o‘ta professional".

"U o‘zi bilan maxsus suv olib yurardi va uni Himolay tog‘laridan olib kelingan deb aytardi. Keyin unga ichimlik olib kirishni taqiqlashdi va bundan juda jahli chiqardi. Oxir-oqibat suvini tashlab ketishiga to‘g‘ri kelardi".

"U maydonga tushganda haqiqiy maxluqqa aylanadi. Albatta, yosh o‘z ta’sirini ko‘rsatadi — bu sizga yoqadimi yoki yo‘qmi. Ammo uning iste’dodi aql bovar qilmaydigan darajada", — dedi Fred.