"Chelsi"ning yangi futbolchisi David Datro Fofana ushbu transfer oynasida ijaraga berilishi mumkin.
Jurnalist Fabrisio Romanoning yozishicha, “ko‘klar” rahbariyati futbolchining Angliya Premyer-ligasining boshqa klubida o‘yin amaliyotini o‘tashiga ruxsat berish variantini ko‘rib chiqmoqda.
Yanvar oyining ikkinchi yarmigacha Fofana "Chelsi" bilan mashg‘ulot o‘tkazadi, shundan so‘ng bosh murabbiy Grem Potter futbolchining kelajagi haqida qaror qabul qiladi. "Ko‘klar" Fofanani ijaraga berib yuborish kerakligini aniqlash uchun vaqt kerak.
Ivuarlik futbolchi bu qishda Norvegiyaning "Molde" klubidan "Chelsi"ga o‘tgan edi. Avvalroq, hujumchiga hozirda APL turnir jadvalida 8-o‘rinda borayotgan "Brayton" klubi qiziqayotgan edi.
