"Челси"нинг янги футболчиси Давид Датро Фофана ушбу трансфер ойнасида ижарага берилиши мумкин.
Журналист Фабрицио Романонинг ёзишича, “кўклар” раҳбарияти футболчининг Англия Премьер-лигасининг бошқа клубида ўйин амалиётини ўташига рухсат бериш вариантини кўриб чиқмоқда.
Январь ойининг иккинчи ярмигача Фофана "Челси" билан машғулот ўтказади, шундан сўнг бош мураббий Грэм Поттер футболчининг келажаги ҳақида қарор қабул қилади. "Кўклар" Фофанани ижарага бериб юбориш кераклигини аниқлаш учун вақт керак.
Ивуарлик футболчи бу қишда Норвегиянинг "Мольде" клубидан "Челси"га ўтган эди. Аввалроқ, ҳужумчига ҳозирда АПЛ турнир жадвалида 8-ўринда бораётган "Брайтон" клуби қизиқаётган эди.
