"Lids" klubi matbuot xizmati xabariga ko‘ra, "tovuslar" hujumchisi Rodrigo to‘pig‘idan olgan jarohati tufayli ikki oyga yaqin maydonga tusha olmaydi.

31 yoshli hujumchi Angliya kubogining 4-bosqichida "Akkrington Stenli" jamoasiga qarshi o‘yinda (3:1) jarohat oldi. Futbolchiga suyak jarohati tashxisi qo‘yilgan, u operasiya qilinishi kerak. Taxminlarga ko‘ra, ispaniyalik futbolchi mart oyi oxirigacha jamoaga qaytishi mumkin.

Rodrigo 18 o‘yinda 10 ta gol urib, joriy mavsumda "Lids"ning eng yaxshi to‘purari hisoblanadi. Shuningdek, Angliya kubogining 3 ta o‘yinida 2 ta gol urdi.