"Лидс" клуби матбуот хизмати хабарига кўра, "товуслар" ҳужумчиси Родриго тўпиғидан олган жароҳати туфайли икки ойга яқин майдонга туша олмайди.
31 ёшли ҳужумчи Англия кубогининг 4-босқичида "Аккрингтон Стэнли" жамоасига қарши ўйинда (3:1) жароҳат олди. Футболчига суяк жароҳати ташхиси қўйилган, у операция қилиниши керак. Тахминларга кўра, испаниялик футболчи март ойи охиригача жамоага қайтиши мумкин.
Родриго 18 ўйинда 10 та гол уриб, жорий мавсумда "Лидс"нинг энг яхши тўпурари ҳисобланади. Шунингдек, Англия кубогининг 3 та ўйинида 2 та гол урди.
