"Челси" расман "Райо Вальекано"дан ҳимоячи Пеп Чаваррияни сотиб олганини эълон қилди. 28 ёшли испаниялик футболчи Лондон клуби билан 2031 йилгача шартнома имзолади.

Чаваррия "Райо"га 2022 йилда қўшилди. Ўтган мавсумда у 44 та ўйинда майдонга тушди (битта гол, учта голли узатма, олтита сариқ карточка ва битта қизил карточка). У жамоага Конференция Лигаси финалига чиқишга ёрдам берди, у ерда улар "Кристал Пэлас"га 1:0 ҳисобида мағлуб бўлишди.

"Ишни бошлашдан жуда хурсандман. Бу орзум амалга ошди, чунки "Челси" дунёдаги энг йирик клублардан бири. Мен жамоанинг муваффақиятга эришишига ёрдам бериш учун астойдил ҳаракат қилишга тайёрман. Оиламга миннатдорчилик билдирмоқчиман. Улар мени доим қўллаб-қувватлаб келишган. Уларсиз бу кун имконсиз бўлар эди", деди футболчи.

Чап қанот ҳимоячиси илгари "Фигерес", "Олот" ва "Сарагоса" жамоаларида ўйнаган. Transfermarkt порталига кўра, трансфер 19 миллион еврони ташкил этди.