Nigeriyalik tadbirkor «Sheffild Yunayted»ni sotib olishga qiziqmoqda.
Daily Mail xabariga ko‘ra, Dozi Mmobuozi yaqin haftalarda Chempionship klubini 90 million funtga sotib olish bo‘yicha shartnoma tuzmoqchi. U «Sheffild» Rayan Bryuster va Sander Berge transferlari bo‘yicha kechiktirilgan to‘lovlarni amalga oshirishga va’da berdi.
Hozirda klub ushbu to‘lovlar bo‘yicha muammolarga uchragani uchun transfer taqiqi ostida. The Times nashrining yozishicha, Mmobuozining boyligi 7 milliard funt sterlingdan oshadi.
«Sheffild Yunayted» ayni dam Saudiya Arabistoni shahzodasi Abdulloh bin Musaid Al Saudga tegishli.
