Нигериялик тадбиркор «Шеффилд Юнайтед»ни сотиб олишга қизиқмоқда.

Daily Mail хабарига кўра, Дози Ммобуози яқин ҳафталарда Чемпионшип клубини 90 миллион фунтга сотиб олиш бўйича шартнома тузмоқчи. У «Шеффилд» Райан Брюстер ва Сандер Берге трансферлари бўйича кечиктирилган тўловларни амалга оширишга ваъда берди.

Ҳозирда клуб ушбу тўловлар бўйича муаммоларга учрагани учун трансфер тақиқи остида. The Times нашрининг ёзишича, Ммобуозининг бойлиги 7 миллиард фунт стерлингдан ошади.

«Шеффилд Юнайтед» айни дам Саудия Арабистони шаҳзодаси Абдуллоҳ бин Мусаид Ал Саудга тегишли.