"Qirollik klubi" bilan shartnomasi yakunlanayotgan "Real" yarim himoyachisi Marko Asensio faoliyatini Angliya Premyer-ligasida davom ettirish imkoniyatiga ega. Bu haqda Todofichajes nashri xabar bermoqda.

Manbaga ko‘ra, 27 yoshli futbolchi bilan Londonning "Arsenal" klubi qiziqmoqda. "Kanonirlar" bosh murabbiyi Mikel Arteta potensial kelishuvni boshlab yubormoqchi.

Avvalroq, Asensio transferiga "PSJ" qiziqish bildirayotgani xabar qilingandi. Parijliklar ispaniyalik futbolchiga 15 million yevro bonus taklif qilishga tayyor.

Joriy mavsumda Marko 26 o‘yinda 4 ta gol urdi va 5 ta golli uzatmani amalga oshirdi.