"Қироллик клуби" билан шартномаси якунланаётган "Реал" ярим ҳимоячиси Марко Асенсио фаолиятини Англия Премьер-лигасида давом эттириш имкониятига эга. Бу ҳақда Todofichajes нашри хабар бермоқда.
Манбага кўра, 27 ёшли футболчи билан Лондоннинг "Арсенал" клуби қизиқмоқда. "Канонирлар" бош мураббийи Микель Артета потенциал келишувни бошлаб юбормоқчи.
Аввалроқ, Асенсио трансферига "ПСЖ" қизиқиш билдираётгани хабар қилинганди. Парижликлар испаниялик футболчига 15 миллион евро бонус таклиф қилишга тайёр.
Жорий мавсумда Марко 26 ўйинда 4 та гол урди ва 5 та голли узатмани амалга оширди.
