"Manchester Siti" futbolchisi Jek Grilish yaqin orada Puma kompaniyasi bilan homiylik shartnomasini imzolashi mumkin.

Footy Headlines nashri xabariga ko‘ra, kompaniya futbolchiga mavsumiga 4,5 million yevrodan ko‘proq pul to‘laydigan shartnoma taklif qilishga tayyor. Futbolchi avvalroq Nike bilan kelishuvga erishgan, biroq Grilish hozirda Puma bilan muzokaralar olib bormoqda va kompaniya bilan shartnoma imzolashni rejalashtirmoqda.

Oldinroq Garri Keyn va Garet Beyl ham nemis kompaniyasi bilan shartnoma imzolagan bo‘lib, ular har mavsumda taxminan 4,5 million yevro olishadi, biroq The The Telegraph nashriga ko‘ra, Grilish ulardan ko‘proq bonus oladi.

27 yoshli Grilish joriy mavsumda barcha turnirlarda 26 ta o‘yinda maydonga tushib, 2 ta gol urdi va 4 ta golli uzatmani amalga oshirdi.