"Liverpul" hujumchisi Darvin Nunyes "Nyukasl Yunayted"ga qarshi o‘yinda (2:0) yelkasidan jarohat oldi.
APLning 24-turidan o‘rin olgan uchrashuvning 10-daqiqasida urugvaylik futbolchi gol urgan bo‘lsa, 59-daqiqada uning o‘rniga Roberto Firmino maydonga tushdi.
“Darvinning yelkasida nimadir bor. Ko‘ramiz. Qo‘shimcha tekshiruvlar kerak", - dedi Klopp.
Nunyes 21 fevral, seshanba kuni bo‘lib o‘tadigan “Real”ga qarshi 1/8 final dastlabki o‘yinida ishtirok eta oladimi yoki yo‘qmi, hozircha noma’lum.
23 yoshli hujumchi joriy mavsumda “Liverpul” safida barcha turnirlar doirasida 28 ta o‘yinda maydonga tushib, 11 ta gol urdi va 4 ta golli uzatmani amalga oshirdi.
