"Ливерпуль" ҳужумчиси Дарвин Нуньес "Ньюкасл Юнайтед"га қарши ўйинда (2:0) елкасидан жароҳат олди.

АПЛнинг 24-туридан ўрин олган учрашувнинг 10-дақиқасида уругвайлик футболчи гол урган бўлса, 59-дақиқада унинг ўрнига Роберто Фирмино майдонга тушди.

“Дарвиннинг елкасида нимадир бор. Кўрамиз. Қўшимча текширувлар керак", - деди Клопп.

Нуньес 21 февраль, сешанба куни бўлиб ўтадиган “Реал”га қарши 1/8 финал дастлабки ўйинида иштирок эта оладими ёки йўқми, ҳозирча номаълум.

23 ёшли ҳужумчи жорий мавсумда “Ливерпуль” сафида барча турнирлар доирасида 28 та ўйинда майдонга тушиб, 11 та гол урди ва 4 та голли узатмани амалга оширди.