Germaniya kubogining 1/4 final bosqichiga qur’a tashlash marosimi bo‘lib o‘tdi. Natijada quyidagi jamoalar juftligi shakllandi:
«RB Leypsig» - «Borussiya» Dortmund;
«Nyurnberg» - «Shtutgart»;
«Ayntraxt» Frankfurt – «Union Berlin»;
«Bavariya» - «Frayburg».
Germaniya kubogi chorak finali 4 va 5 aprel kunlari bo‘lib o‘tadi.
Eslatib o‘tamiz, Germaniya kubogining amaldagi sohibi «RB Leypsig» hisoblanadi. O‘shanda «buqalar» «Frayburg»ni penaltilar seriyasida mag‘lub etishgandi.
Germaniya kubogi tarixidagi eng titulli klub - «Bavariya». Myunxenliklar ushbu sovrinni 20 marta qo‘lga kiritishgan.
